‘ఎంసీఏ’ మినిమం 30 కోట్లు తేవాలి

‘ఎంసీఏ’ మినిమం 30 కోట్లు తేవాలి

ఈ ఏడాదిలో మూడో సినిమాతో ప్రేక్షకుల ముందుకు రాబోతున్నాడు నాని. ఏడాది ఆరంభంలో ‘నేను లోకల్’తో బ్లాక్ బస్టర్ అందుకున్న నాని.. మధ్యలో ‘నిన్ను కోరి’తో మరో విజయాన్ని ఖాతాలో వేసుకున్నాడు. ‘నేను లోకల్’ ఏకంగా రూ.35 కోట్ల దాకా షేర్ వసూలు చేసి సెన్సేషన్ క్రియేట్ చేసింది. నాని మార్కెట్ ను మరింతగా విస్తరించింది. ‘నిన్ను కోరి’ లాంటి క్లాస్ సినిమా సైతం రూ.25 కోట్లకు పైగా షేర్ వసూలు చేయడం విశేషమే. ఇది ‘ఎంసీఏ’ సినిమాకు బాగానే కలిసొచ్చింది. ఈ చిత్రానికి రూ.40 కోట్లకు పైగా బిజినెస్ కావడం విశేషం. ఈ చిత్ర థియేట్రికల్ రైట్స్ వాల్యూ మాత్రమే రూ.30 కోట్లు కావడం విశేషం. శాటిలైట్.. డిజిటల్.. ఇతర హక్కులన్నీ కలిపి రూ.10 కోట్ల దాకా తేలినట్లు సమాచారం.

‘ఎంసీఏ’ సీడెడ్ హక్కుల్ని రూ.4 కోట్లకు.. వైజాగ్.. మిగతా ఆంధ్రా ఏరియాల హక్కుల్ని రూ.12 కోట్లకు అమ్మినట్లు సమాచారం. నైజాం ఏరియాలో దిల్ రాజే సొంతంగా రిలీజ్ చేస్తున్నాడు. ఇక్కడి రైట్స్ వాల్యూ రూ.8.5 కోట్లని అంచనా. ఇక ఇండియాలోని మిగతా ప్రాంతాల హక్కుల రూ.2 కోట్లు.. ఓవర్సీస్ రైట్స్ రూ.3.5 కోట్లు పలికాయి. మొత్తంగా లెక్క రూ.30 కోట్లకు చేరింది. అంటే ఈ చిత్రం రూ.30 కోట్ల షేర్ రాబడితేనే బ్రేక్ ఈవెన్ కు వస్తుందన్నమాట. నైజాం దిల్ రాజు సొంత ఏరియా కాబట్టి దాన్ని తీసేస్తే.. మిగతా ఏరియాలన్నీ కలిపి రూ.21.5 కోట్ల షేర్ రావాలి. నాని కెరీర్లోనే అత్యధిక థియేటర్లలో ఈ చిత్రాన్ని రిలీజ్ చేస్తున్నారు. సినిమాకు పాజిటివ్ టాక్ వస్తే వస్తే రూ.30 కోట్ల షేర్ కష్టం కాకపోవచ్చు. ఐతే దీనికి పోటీగా ‘హలో’ వస్తుండటం కొంతమేర ప్రభావం చూపొచ్చు.

Related Post

Leave a Reply

Your email address will not be published. Required fields are marked *