‘సప్తగిరి ఎల్ ఎల్ బీ’ మూవీ రివ్యూ

చిత్రం : ‘సప్తగిరి ఎల్ ఎల్ బీ’

నటీనటులు: సప్తగిరి – కశిష్ వోరా – సాయికుమార్ – శివప్రసాద్ – షకలక శంకర్ -ఎల్బీ శ్రీరాం తదితరులు
సంగీతం: విజయ్ బుల్గానిన్
ఛాయాగ్రహణం: సారంగం ఎస్.ఆర్
నిర్మాత: రవికిరణ్
రచన: పరుచూరి బ్రదర్స్
దర్శకత్వం: చరణ్ లక్కాకుల

గత కొన్నేళ్లలో కమెడియన్లు చాలామంది హీరోలుగా మారారు. గత ఏడాది ఆ కోవలోనే సప్తగిరి కూడా ‘సప్తగిరి ఎక్స్ ప్రెస్’తో హీరో అవతారం ఎత్తాడు. ఇప్పుడతను ‘సప్తగిరి ఎల్ ఎల్ బీ’తో ప్రేక్షకుల ముందుకొచ్చాడు. హిందీ హిట్ సినిమా ‘జాలీ ఎల్ ఎల్ బీ’కి రీమేక్ గా తెరకెక్కిన ఈ చిత్రం ఈ రోజే ప్రేక్షకుల ముందుకొచ్చింది. దీని విశేషాలేంటో చూద్దాం పదండి.

కథ:

ఎల్ ఎల్ బీ పూర్తి చేసి తన ఊరి కోర్టులో ప్రాక్టీస్ చేస్తున్న సప్తగిరి (సప్తగిరి)కి అక్కడ వరుసగా చేదు అనుభవాలు ఎదురవుతుంటాయి. ఇలా కాదని హైదరాబాద్ వెళ్లి పెద్ద లాయర్ అయిపోదామని వస్తాడు సప్తగిరి. ఇక్కడ అతడి దృష్టిని అప్పటికే ముగిసిపోయిన ఒక కేసు ఆకర్షిస్తుంది. ఒక బడా బాబు తప్పతాగి రోడ్డు మీద నిద్రపోతున్న ఆరుగురిపై కారు ఎక్కించి వారి చావుకు కారణమైన కేసు అది. ఈ కేసును రాజ్ పాల్ (సాయికుమార్) అనే పెద్ద లాయర్ టేకప్ చేసి ఆ బడా బాబును బయటపడేస్తాడు. కోర్టు తీర్పు కూడా ఇచ్చేశాక ఈ కేసును తిరగదోడుతాడు సప్తగిరి. దీంతో అతడికి రకరకాల ఇబ్బందులు ఎదురవుతాయి. మరి ఆ ఇబ్బందుల్ని అతను ఎలా అధిగమించాడు.. ఈ కేసులో రాజ్ పాల్ మీద ఎలా విజయం సాధించాడు అన్నది మిగతా కథ.

కథనం – విశ్లేషణ:

ఇంతకుముందు బాలీవుడ్ నుంచి కోర్ట్ రూం డ్రామా నేపథ్యంలో సాగే ఒక కథను తీసుకొచ్చారు. అదే.. గోపాల గోపాల. ఆ సినిమాలో పవన్ కళ్యాణ్.. వెంకటేష్ లాంటి పెద్ద స్టార్లున్నారు. కానీ వాళ్ల కోసం కథను కంగాళీ చేయలేదు. అవసరం లేని మసాలాలు అద్దలేదు. కమర్షియల్ అంశాల కోసం వెంపర్లాడలేదు. అంత పెద్ద స్టార్లు కథతో పాటే సాగిపోయారు. పాత్రలు తప్ప స్టార్లు కనిపించలేదు ఆ సినిమాలో. ఆ కథలో ఉన్న బలాన్ని.. దాని ప్రత్యేకతను అర్థం చేసుకుని.. కథే ప్రధానంగా సినిమాను నడిపించారు. అది కమర్షియల్ గా ఎంత మేర సక్సెస్ అయిందన్నది పక్కన పెడితే.. ‘ఓ మై గాడ్’ లాంటి మంచి కథను ‘గోపాల గోపాల’ టీం చెడగొట్టలేదన్నది మాత్రం వాస్తవం. ఒక అర్థవంతమైన ప్రయత్నంగా అనిపించిందా సినిమా.

ఐతే ఇప్పుడు హిందీ నుంచి మరో కోర్ట్ రూం డ్రామా స్టోరీని తెలుగులోకి తెచ్చారు. అదే.. జాలీ ఎల్ ఎల్ బీ. అప్పుడే ప్రాక్టీస్ ఆరంభించిన ఒక జూనియర్ లాయర్.. దేశంలోనే పేరు మోసిన ఒక బడా లాయర్ ను ఒక కేసులో ఢీకొట్టి.. మంచి వైపు నిలబడి న్యాయాన్ని గెలిపించే కథాంశంతో తెరకెక్కిన సినిమా ఇది. దీన్నే మన సప్తగిరి హీరోగా ‘సప్తగిరి ఎల్ ఎల్ బీ’గా తెరకెక్కించారు. ఇక్కడ ‘జాలీ ఎల్ ఎల్ బీ’ని ఎంతగా కిచిడీ చేయొచ్చో అంతగా చేసేశారు. ‘జాలీ ఎల్ ఎల్ బీ’ చాలా సున్నితంగా.. సైలెంటుగా.. కథే ప్రధానంగా సాగిపోయే సినిమా. కానీ తెలుగులోకి వచ్చేసరికి దానికి లెక్కకు మిక్కిలిగా కమర్షియల్ హంగులద్ది.. మోతాదుకు మించిన ‘లౌడ్’గా తయారు చేశారు. ఈ కమర్షియల్ హంగులు మెచ్చే వాళ్లకు ‘సప్తగిరి ఎల్ ఎల్ బీ’ ఓకే అనిపించొచ్చు కానీ.. కథాకథనాల పరంగా మాత్రం ఇది నిరాశ పరుస్తుంది.

‘సప్తగిరి ఎల్ ఎల్ బీ’ ట్రైలర్ చూస్తేనే.. సినిమా ఎంత లౌడ్ గా ఉంటుందో.. ఇందులో సప్తగిరి విన్యాసాలు ఎలా ఉండబోతున్నాయో ప్రేక్షకులకు ఒక అవగాహన వచ్చేసి ఉంటుంది. సినిమాలో హైలైట్ అయిన అంశాలు కూడా అవే. మాతృకలో లాయర్ అయిన హీరో ఒక చోట డబ్బు కోసం ముసుగు వేసుకుని టెర్రరిస్టుగా నటించాల్సి ఉంటుంది. అందులో అతను ఊరికే ముసుగు తొడుక్కుని కొన్ని క్షణాలు ఇలా కనిపించి అలా మాయమవుతాడు. కానీ ఇక్కడ మాత్రం సప్తగిరి విన్యాసాలు మామూలుగా ఉండవు. దీన్ని ఒక పది నిమిషాల సన్నివేశంగా సాగదీశారు. ఇందులో ఉన్న గోల చూస్తేనే ‘జాలీ ఎల్ ఎల్ బీ’ ఎసెన్స్ తెలుగులో ఎంతమాత్రం ఉండదని అర్థమైపోతుంది. ఇక్కడి నుంచి మొదలుపెడితే.. హీరో ఇంట్రడక్షన్ సాంగ్.. హీరోయిన్ తో ఫారిన్ లొకేషన్ లో డ్యూయెట్లు.. వీర లెవెల్లో ఫైట్లు.. లౌడ్ కామెడీ.. ఓవర్ డ్రమాటిక్ సీన్స్.. ఇలా మాతృకతో పోలిస్తే ‘సప్తగిరి ఎల్ ఎల్ బీ’ రూటే వేరుగా ఉంటుంది.

‘సప్తగిరి ఎల్ ఎల్ బీ’ కొంచెం కుదురుగా.. ఏ డీవియేషన్లు లేకుండా.. కథతో పాటుగా సాగేది చివరి 20 నిమిషాల్లో మాత్రమే. కేసుకు సంబంధించిన మలుపులు.. కోర్టులో వాదోపవాదాలు.. డైలాగులు అన్నీ కూడా ఆసక్తికరంగా అనిపిస్తాయి. ఈ సన్నివేశాలు ప్రేక్షకుల్ని ఎమోషనల్ గా కూడా కదిలిస్తాయి. కానీ అంతకుముందు వరకు సినిమా ఒక దశా దిశా లేకుండా సాగిపోతుంది. సీరియస్ గా కథ నడిచే చోట కామెడీ కోసం.. పాటలు.. ఫైట్ల కోసం వెంపర్లాడటంతో కథ ఎక్కడా ఒక తీరుగా సాగుతున్న భావన కలిగించదు. ఇందులోని కామెడీ పూర్తిగా మాస్ ప్రేక్షకుల్ని ఉద్దేశించిందే. కోర్టులో కేసు విచారణ సీరియస్ గా సాగుతున్నపుడు అపానవాయువు మీద జోకులు పేల్చడాన్ని ఎలా అర్థం చేసుకోవాలో తెలియదు. సింపుల్ సీన్లను కూడా చాలా లౌడ్ గా తయారు చేయడంతో సినిమా అంతా గోల గోలగా అనిపిస్తుంది.

కమర్షియల్ హంగులే అవసరమైనపుడు అందుకు తగ్గ కథనే ఎంచుకోవాల్సింది కానీ ‘జాలీ ఎల్ ఎల్ బీ’ లాంటి సీరియస్ కథను పట్టుకొచ్చి దాన్ని ఇలా కంగాళీగా తయారు చేయాల్సిన అవసరమైతే లేదు. మాతృకతో పోలికల సంగతి పక్కన పెట్టి మామూలుగా చూసినా.. ‘సప్తగిరి ఎల్ ఎల్ బీ’ ఎక్కడా కుదురుగా.. ఆసక్తి రేకెత్తించేలా సాగదు. ఇందులోని అదనపు ఆకర్షణ వల్ల.. కథనం సాగే తీరు చాలా ‘లౌడ్’గా ఉండటం వల్ల కథ పలుచనైపోయింది. ఇలాంటి కథలకు ఇలాంటి నరేషన్ ఎంతమాత్రం నప్పదు. హీరోగా సప్తగిరి తొలి సినిమా నచ్చిన వాళ్లకైతే ‘సప్తగిరి ఎల్ ఎల్ బీ’ కూడా నచ్చుతుంది. డ్యాన్సులు.. ఫైట్లు.. లౌడ్ కామెడీని ఇష్టపడేవాళ్లు ‘సప్తగిరి ఎల్ ఎల్ బీ’ మీద ఓ లుక్కేసుకోవచ్చు.

నటీనటులు:

సప్తగిరి తన వరకు మంచి ఎనర్జీనే చూపించాడు. ఉత్సాహంగా నటించాడు. అతడికి అలవాటైన అమాయకపు నటనతో ఆకట్టుకున్నాడు. అలాగే హీరోయిజం ఎలివేట్ అయ్యే సీన్లలోనూ బాగానే చేశాడు. వీర లెవెల్లో డ్యాన్సులు చేశాడు. ఫైట్లూ చేశాడు. హీరోయిన్ కశిష్ వోరా గురించి మాత్రం ఎంత తక్కువ చెప్పుకుంటే అంత మంచిది. ఈ అమ్మాయి ఏ రకంగానూ ఆకట్టుకోదు. కథానాయికకు ఎంత ప్రాధాన్యం లేకపోయినప్పటికీ.. సప్తగిరి పక్కన ఏమాత్రం సూటవ్వని.. డైలాగులకు.. పాటలకు సరిగా లిప్ సింక్ కూడా ఇవ్వలేని అమ్మాయిని ఎందుకు పెట్టుకున్నారో? కీలకమైన పాత్రలో సాయికుమార్ రాణించాడు. కొన్నిచోట్ల ఆయన కూడా సినిమా టోన్ కు తగ్గట్లే కొంచెం అతిగా చేస్తున్న భావన కలుగుతుంది కానీ.. ఓవరాల్ గా ఆయన బాగానే చేశాడు. శివప్రసాద్ కూడా అంతే. షకలక శంకర్ మామూలే. ఎల్బీ శ్రీరాం ఓకే.

సాంకేతికవర్గం:

బుల్గానిన్ పాటలేమీ ప్రత్యేకంగా చెప్పుకునేలా లేవు. సప్తగిరి డ్యాన్సులేసుకోవడానికి తగ్గట్లుగా పాటలిచ్చాడు. నేపథ్య సంగీతం పర్వాలేదు. సారంగం ఛాయాగ్రహణం మామూలుగా అనిపిస్తుంది. నిర్మాణ విలువలు ఓకే. సప్తగిరి రేంజికి మించి నిర్మాత బాగానే ఖర్చు పెట్టాడు. పాటల్ని స్టార్ హీరోల సినిమాల స్థాయిలో గ్రాండ్ గా.. రిచ్ లొకేషన్లలో తెరకెక్కించారు. పరుచూరి సోదరుల మాటల్లో ప్రత్యేకత ఏమీ కనిపించదు. కొన్ని మాటలు ఆలోచన రేకెత్తించేలా ఉన్నా.. అవి మాతృక నుంచి తీసుకున్నవే. దర్శకుడిగా చరణ్ లక్కాకుల ముద్రంటూ ఏమీ లేదు. అతను కొన్ని చోట్ల మాస్ కామెడీ పండించడంలో మాత్రమే తన ప్రతిభను చూపించాడు. మాతృకలోని ఆత్మను చరణ్ పట్టుకోలేదు. కథను మింగేసేలా కమర్షియల్ హంగులద్ది.. ‘సప్తగిరి ఎల్ ఎల్ బీ’ని చాలా లౌడ్ గా తయారు చేశాడు.

చివరగా: సప్తగిరి ఎల్ ఎల్ బీ.. మంచి కథకు మసాలా పులిమేశారు

రేటింగ్- 2/5

ఆక్సిజన్ మూవీ రివ్యూ

చిత్రం : ‘ఆక్సిజన్’
నటీనటులు: గోపీచంద్ – రాశి ఖన్నా – అను ఇమ్మాన్యుయెల్ – జగపతిబాబు – కిక్ శ్యామ్ – షాయాజి షిండే – ఆలీ – సితార – బ్రహ్మాజీ – అభిమన్యు సింగ్ – నాగినీడు – చంద్రమోహన్ – సుధ తదితరులు
సంగీతం: యువన్ శంకర్ రాజా
ఛాయాగ్రహణం: ఛోటా కే నాయుడు – వెట్రి
నిర్మాత: ఐశ్వర్య
స్క్రీన్ ప్లే: ఎ.ఎం.రత్నం
కథ – దర్శకత్వం: ఎ.ఎం.జ్యోతికృష్ణ

వరుస ఫ్లాపులతో సతమతమవుతున్న కథానాయకుడు గోపీచంద్. అతడి కొత్త సినిమా ‘ఆక్సిజన్’ కూడా విడుదల విషయంలో చాలా ఇబ్బందులు పడింది. వాయిదాల మీద వాయిదాలు పడ్డ ఈ సినిమా.. ఎట్టకేలకు ఈ రోజే ప్రేక్షకుల ముందుకొచ్చింది. మరి ఎ.ఎం.రత్నం తనయుడు జ్యోతికృష్ణ రూపొందించిన ఈ సినిమా అయినా గోపీచంద్ కు ఆశించిన ఫలితాన్నిచ్చేలా ఉందా.. చూద్దాం పదండి.

కథ:

కృష్ణ ప్రసాద్ (గోపీచంద్) అమెరికాలో సాఫ్ట్ వేర్ ఇంజినీర్ గా పని చేసే కుర్రాడు. అతను పెళ్లిచూపుల కోసం అతను ఇండియా వస్తాడు. ఓ పల్లెటూరిలో రఘుపతి అనే పెద్ద మనిషి కూతురైన శ్రుతితో అతడికి పెళ్లి నిశ్చయమవుతుంది. ఐతే ప్రసాద్ ను పెళ్లి చేసుకుని అమెరికా వెళ్లిపోవడం శ్రుతికి ఇష్టం ఉండదు. ఈ పెళ్లి చెడగొట్టడానికి ఆమె చేసిన ప్రయత్నాలేవీ ఫలించవు. ఇదిలా ఉంటే.. శ్రుతి కుటుంబం మొత్తాన్ని చంపేయాలని వారి శత్రువులు తిరుగుతుంటారు. వాళ్ల నుంచి కృష్ణప్రసాదే శ్రుతి కుటుంబాన్ని కాపాడతాడు. దీంతో శ్రుతికి అతను నచ్చేస్తాడు. అతడితో పెళ్లికి సిద్ధపడుతుంది. అంతా బాగుందనుకున్న తరుణంలో కృష్ణప్రసాద్ నిజ స్వరూపం శ్రుతికి తెలుస్తుంది. అతను వచ్చింది తనను పెళ్లి చేసుకోవడానికి కాదని.. తన కుటుంబాన్ని అంతం చేయడానికని ఆమెకు అర్థమవుతుంది. ఇంతకీ కృష్ణప్రసాద్ ఎవరు.. అతడి గతమేంటి.. శ్రుతి కుటుంబంపై అతడికున్న పగేంటి అన్నది మిగతా కథ.

కథనం – విశ్లేషణ:

హీరో.. అతడి టీం విలన్ల డెన్ లోకి వెళ్తుంది. అక్కడ ఒక సీక్రెట్ రూం ఉంటుంది. దాన్ని ఓపెన్ చేయాలంటే ఆరు అక్షరాల పాస్ వర్డ్ కొట్టాలి. మూడుసార్లు రాంగ్ పాస్ వర్డ్ కొడితే అది లాక్ అయిపోతుంది. అప్పుడు విలన్ల కుటుంబంలో సభ్యురాలైన కథానాయిక.. హీరోకు అదిరిపోయే హింట్ ఇస్తుంది. తన ఫ్యామిలీలో అందరూ జులైలోనే పుట్టారనేది ఆ హింట్. ఇక అంతే.. హీరోకు బల్బు వెలిగిపోతుంది. జులైలో పుట్టినోళ్లందరికీ ఒకటే రాశి ఉంటుందని.. ఆ రాశి కర్కాటకం అని.. దాన్ని ఇంగ్లిష్ లో ‘క్యాన్సర్’ అంటారని.. అది ఆరు అక్షరాలే అని.. దాన్నే పాస్ వర్డ్ అని డిసైడ్ అయిపోయి అక్కడ కొట్టేస్తాడు. సీక్రెట్ రూం ఓపెనైపోతుంది. ‘ఆక్సిజన్’ సినిమాలో కనిపించే చిత్రాతి చిత్రమైన సన్నివేశాల్లో ఇది ఒకటి. ఈ సినిమా ఎలా సాగుతుందో చెప్పడానికి ఇది ఒక ఉదాహరణ.

సోషల్ కాజ్ ఉన్న కథాంశంతో సినిమా తీసినంత మాత్రాన జనాలందరికీ కనెక్టయిపోతుందనుకుంటే పొరబాటే. అలాంటి కథల్ని బలంగా.. జనాలకు హత్తుకునేలా చెప్పడం.. సందేశం మిళితం చేసి జనాల్ని ఎంటర్టైన్ చేయడం అందరికీ సాధ్యమయ్యే విద్య కాదు. ఈ విషయంలో ఎ.ఎం.రత్నం తనయుడు జ్యోతికృష్ణ పూర్తిగా ఫెయిలయ్యాడు. మంచి ఉద్దేశంతో.. సామాజిక అంశాల నేపథ్యంలో అతను కథను రాసుకోవడం వరకు ఓకే. కానీ ఆ కథను చెప్పిన తీరు మాత్రం పేలవం. కథగా చెప్పుకోవడానికి బాగానే అనిపించే ‘ఆక్సిజన్’.. సినిమాగా తేలిపోయింది. కథలోని కీలకమైన పాయింట్ ను ఎమోషనల్ గా కనెక్టయ్యేలా చెప్పడంలోనే జ్యోతికృష్ణ ఫెయిలయ్యాడు. దీనికి తోడు అనవసరమైన.. అర్థ రహితమైన సన్నివేశాలు.. కథతో సంబంధం లేని ఎపిసోడ్లు సినిమాను మరింతగా నీరుగార్చేశాయి.

‘పోకిరి’ సినిమాలో ట్విస్టు పేలిందని.. ఆ సినిమా బ్లాక్ బస్టర్ అయిందని.. గత దశాబ్ద కాలంలో ఎన్ని సినిమాలు ఇలా ట్విస్టుల మీదే నడిచాయో లెక్కలేదు. ఐతే కథలో భాగంగా ట్విస్టు వస్తే ఓకే కానీ.. కేవలం ట్విస్టుల్నే నమ్ముకుని.. ఆ ట్విస్టుల చుట్టూనే కథల్ని నడిపిస్తే.. ఆ సినిమా ఎంత పేలవంగా తయారవుతుందనడానికి కూడా ‘ఆక్సిజన్’ ఒక ఉదాహరణగా నిలుస్తుంది. ఇందులో ఇంటర్వెల్ ముంగిట వచ్చే ట్విస్టు చూస్తే.. ఆ క్షణంలో షాక్ అవుతాం. కానీ సినిమా అంతా అయ్యాక ఆ ట్విస్టు గురించి ఆలోచిస్తే.. దాని కంటే ముందు వచ్చిన కథనమంతా చూసుకుంటే అర్థ రహితంగా అనిపిస్తుంది. ఈ ట్విస్టు వచ్చాక ప్రేక్షకుడు థ్రిల్ అయిపోతాడు కాబట్టి.. అంతకుముందు వరకు ఏం చూపించినా పర్వాలేదు అన్నట్లుగా తయారైంది వ్యవహారం. ప్రథమార్ధంలో గంట పాటు హీరోయిన్ పెళ్లిచూపులు.. ఆమె పెళ్లిచూపులు చెడగొట్టుకోవడానికి చేసే ప్రయత్నాల చుట్టూ నడిచిన కథనం ప్రేక్షకుల సహనానికి పరీక్ష పెడుతుంది. ఇక్కడే ‘ఆక్సిజన్’ ఫలితమేంటో తెలిసిపోతుంది.

ఇంటర్వెల్ ట్విస్టు తర్వాత అనుకున్నట్లే ఫ్లాష్ బ్యాక్ మొదలవుతుంది. అందులో ఏ ప్రత్యేకతా లేదు. ఓవర్ డోస్ సెంటిమెంటుతో చాలా రొటీన్ గా సాగిపోతుంది ఆ ఫ్లాష్ బ్యాక్. అదే లెంగ్తీ అయిందనుకుంటే.. ఇక ఆ తర్వాత క్లైమాక్స్ వరకు సాగదీసిన తీరు మరింతగా విసిగిస్తుంది. ఒక పల్లెటూరిలో మామూలుగా జీవనం సాగించే ఒక కుటుంబం.. ఎవరికి తెలియకుండా ఒక డ్రగ్ రాకెంట్ ను నడిపించడం.. వేల కోట్లు ఆర్జించడం అనే పాయింటే చాలా అసహజంగా అనిపిస్తుంది. ఈ ఎపిసోడ్ అంతటినీ డీల్ చేసిన విధానం కూడా ఈ అసహజత్వాన్ని మరింత పెంచేలా ఉంది. ఒక దశ దాటాక సినిమా సాగుతున్న తీరు చూస్తే.. ఇటు నటీనటులకు.. అటు సాంకేతిక నిపుణులకు దీనిపై పూర్తిగా నమ్మకం పోయిందేమో.. ఎవరూ ఏమాత్రం ఆసక్తి లేకుండా పని చేశారేమో అనిపిస్తుంది. ఎండ్ టైటిల్స్ పడే సమయానికి.. ఒకసారి ప్రథమార్ధాన్ని గుర్తు చేసుకుంటే.. రెండు వేర్వేరు సినిమాలు చూసిన భావన కలుగుతుంది. ఎన్నడూ లేని విధంగా గోపీచంద్ కు కొన్ని సన్నివేశాల్లో ఎవరో డబ్బింగ్ చెప్పడాన్ని బట్టి ఈ సినిమా పరిస్థితి ఏంటో అర్థం చేసుకోవచ్చు. దీన్ని బట్టే ‘ఆక్సిజన్’ ఎందుకింత ఆలస్యమైందో.. ఈ సినిమా విషయంలో గోపీచంద్ ఎందుకంత నిరాసక్తంగా కనిపించాడన్నది కూడా అర్థమైపోతుంది.

నటీనటులు:

గోపీచంద్ కొత్తగా ఏమీ చేసింది లేదు. తనకు అలవాటైన రీతిలోనే కనిపించాడు. నటన పరంగా కొత్తగా చేయడానికేమీ లేకపోయింది ఈ సినిమాలో. అతడి లుక్ మాత్రం బాగుంది. ఇంటర్వెల్ దగ్గర.. ద్వితీయార్దంలో మాస్ ప్రేక్షకుల్ని అలరించేలా కనిపించాడు గోపీ. హీరోయిన్లు రాశి ఖన్నా.. అను ఇమ్మాన్యుయెల్.. ఇద్దరూ తేలిపోయారు. ముఖ్యంగా అను ఏమాత్రం ఆకర్షణీయంగా లేదు ఈ సినిమాలో. రెండేళ్ల ముందు నటించడం వల్లో ఏమో.. చిన్న పిల్లలా అనిపించింది. గోపీచంద్ పక్కన అసలేమాత్రం సెట్టవ్వలేదు. రాశి ఖన్నా కూడా చేసిందేమీ లేదు. జగపతిబాబుది పేలవమైన పాత్ర. చివర్లో లుక్ మార్చి షాకిచ్చే ప్రయత్నం చేశాడు. అది ఫలించలేదు. కిక్ శ్యామ్.. అభిమన్యు సింగ్.. శ్రవణ్.. బ్రహ్మాజీ.. నాగినీడు.. ఇలా చెప్పుకోవడానికి చాలా పెద్ద తారాగణమే ఉంది కానీ.. ఎవరికీ సరైన పాత్రల్లేవు. ఆలీ కామెడీ కూడా పెద్దగా నవ్వించలేదు.

సాంకేతికవర్గం:

యువన్ శంకర్ రాజా ఇంతకుముందు తెలుగులో మంచి అభిరుచి ఉన్న సినిమాలు చేశాడు. అందులో అతడి సంగీతం విని ఫిదా అయిన వాళ్లకు ‘ఆక్సిజన్’ పెద్ద షాకిస్తుంది. ఈ సినిమాకు నిజంగా అతనే పని చేశాడా అన్న సందేహాలు కలుగుతాయి. పాటలు కానీ.. నేపథ్య సంగీతం కానీ.. ఎంతమాత్రం యువన్ స్థాయికి తగ్గట్లు లేవు. పాటల్లో ఒక్కటి కూడా గుర్తుంచుకునేలా లేదు. ఈ సినిమాకు ఆరుగురు ఛాయాగ్రాహకులు పని చేసినట్లుగా చెప్పాడు దర్శకుడు. కానీ ఎవరూ మనసు పెట్టి చేసినట్లు లేరు. సినిమా లుక్ రకరకాలుగా కనిపిస్తుంది. నిర్మాణ విలువలు జస్ట్ ఓకే అనిపిస్తాయి. దర్శకుడు జ్యోతికృష్ణ ఎంచుకున్న కథ వరకు పర్వాలేదు. కానీ దాన్ని చాలా పేలవంగా.. అపరిపక్వంగా తెరకెక్కించాడు. ఈ కథలో కొంతవరకు ‘రామయ్యా వస్తావయ్యా’ ఛాయలు కూడా కనిపిస్తాయి. ఎ.ఎం.రత్నం స్క్రీన్ ప్లేలోనూ ఏ విశేషం లేదు. పదేళ్లకు పైగా విరామం తర్వాత మెగా ఫోన్ పట్టిన జ్యోతికృష్ణ ఔట్ డేట్ అయిపోయాడనిపిస్తుంది సినిమా చూస్తుంటే.

చివరగా: ఆక్సిజన్.. ఊపిరాడనివ్వదు!

రేటింగ్- 1.5/5

‘జవాన్’ మూవీ రివ్యూ

‘జవాన్’ మూవీ రివ్యూ
నటీనటులు: సాయిధరమ్ తేజ్-మెహ్రీన్-ప్రసన్న-కోట శ్రీనివాసరావు-జయప్రకాష్-సుబ్బరాజు-ఈశ్వరీరావు-నాగబాబు-సత్యం రాజేష్-అనీష్ కురువిల్లా తదితరులు
సంగీతం: తమన్
ఛాయాగ్రహణం: కె.వి.గుహన్
నిర్మాత: కృష్ణ
రచన-దర్శకత్వం: బి.వి.ఎస్.రవి

వరుస ఫ్లాపులతో సతమతమవుతున్న యువ కథానాయకుడు సాయిధరమ్ తేజ్.. దర్శకుడిగా తొలి సినిమా ‘వాంటెడ్’తో చేదు అనుభవం ఎదుర్కొన్న బి.వి.ఎస్.రవి కలిసి చేసిన సినిమా ‘జవాన్’. టీజర్.. ట్రైలర్ తో ఆకర్షించిన ఈ చిత్రం ఈ రోజే ప్రేక్షకుల ముందుకొచ్చింది. దీని విశేషాలేంటో చూద్దాం పదండి.

కథ: జై (సాయిధరమ్ తేజ్) కుటుంబం కంటే దేశం గొప్పదని భావించే కుర్రాడు. ఆర్ఎస్ఎస్ లో శిక్షణ పొందిన అతడికి నరనరాన దేశభక్తి ఉప్పొంగుతూ ఉంటుంది. దేశానికి సేవ చేసేందుకు డీఆర్డీవోలో ఉద్యోగం సాధించాలని కష్టపడుతుంటాడు. ఇక జైతో పాటు స్కూల్లో చదువుకున్న కేశవ (ప్రసన్న) అతడికి పూర్తి విరుద్ధం. అతడి డబ్బే అన్నింటికంటే ముఖ్యం. అందుకోసం ఏమైనా చేస్తాడు. దేశాన్ని దెబ్బ తీయడానికైనా సిద్ధపడతాడు. అతను టెర్రరిస్టులతో చేతులు కలిపి డీఆర్డీవో దేశం కోసం కొత్తగా తయారు చేసిన ప్రమాదకర ఆయుధాన్ని దొంగిలించడానికి పన్నాగం పన్నుతాడు. ఆ ప్రయత్నానికి జై అడ్డు పడతాడు. ఇక అక్కడి నుంచి ఇద్దరి మధ్య పోరు మొదలవుతుంది. ఈ పోరులో ఎవరు గెలిచారన్నది మిగతా కథ.

కథనం-విశ్లేషణ: కుటుంబం ఏమైనా పర్వాలేదు సొసైటీ కోసం బతకాలనే హీరో ఒకవైపు.. సొసైటీ ఏమైనా పర్వాలేదు తన ప్రయోజనాలే ముఖ్యమనుకునే విలన్ ఓవైపు.. ఈ ఇద్దరి మధ్య క్యాట్ అండ్ మౌస్ గేమ్ నేపథ్యంలో సాగే సినిమా ‘జవాన్’. రెగ్యులర్ కమర్షియల్ సినిమాల మధ్య ఇది కొంచెం భిన్నమైన సినిమానే. కానీ ఇది కొత్త తరహా సినిమా మాత్రం కాదు. ‘జవాన్’ చూస్తున్నంతసేపూ ‘తుపాకి’.. ‘ధృవ’లతో పాటు గౌతమ్ మీనన్ సినిమా ‘ఎంతవాడు గాని’ లాంటివి గుర్తుకు రాక మానవు. మామూలుగా చూస్తే ‘జవాన్’ ఎలా అనిపించేదో కానీ.. చాలా గ్రిప్పింగ్ గా.. ఆద్యంతం ఉత్కంఠ రేకెత్తించేలా సాగిన పై సినిమాలు చూశాక ‘జవాన్’ ఓ సగటు సినిమాలా అనిపిస్తుందతే.

మొదట్నుంచి కమర్షియల్ అంశాలకు పెద్ద పీట వేస్తూ సినిమాలు చేసిన రామ్ చరణ్ లాంటి పెద్ద స్టార్ కూడా ‘ధృవ’ సినిమాకు వచ్చేసరికి పూర్తిగా మారిపోయాడు. ఇలాంటి సినిమాలకు ఏ డీవియేషన్లూ ఉండొద్దని భావించి.. కమర్షియల్ హంగులకు దూరంగా ఉన్నాడు. కథతో పాటే సాగిపోయాడు. కానీ ‘జవాన్’ టీం మాత్రం అలా చేయలేదు. కథ.. పాత్రల విషయంలో సిన్సియారిటీ చూపించినప్పటికీ.. కమర్షియల్ హంగుల కోసం తాపత్రయపడింది. కథ సీరియస్ గా.. ఆసక్తికరంగా ముందుకు సాగుతున్నపుడు సీన్లోకి హీరోయిన్ని దిగుతుంది. ఇద్దరూ కలిసి ఒకసారి డ్యూయెట్ కోసం ఫారిన్ లొకేషన్ కు వెళ్లిపోతారు. ఇంకోసారి మాస్ సాంగ్ వేసుకుంటారు. ప్రేక్షకులు ఆ మూడ్ నుంచి బయటికి వచ్చి మళ్లీ కథలోకి ఇన్వాల్వ్ కావడానికి కొంచెం టైం పడుతుంది. హీరో-విలన్ మధ్య ఎత్తులు పైఎత్తుల మీద కథను నడపాలనుకున్నపుడు.. ప్రేక్షకుల్లో ఉత్కంఠ రేకెత్తించాలనుకున్నపుడు.. అదే సినిమాకు ఆకర్షణగా భావించినపుడు.. ఇలాంటి హంగుల కోసం వెంపర్లాట ఎందుకు?

ఆ పోలికలు.. ఈ డీవియేషన్ల సంగతి వదిలేసి.. మిగతా విషయాల్లోకి వస్తే.. 135 నిమిషాల నిడివిలో ‘జవాన్’ చాలా వరకు ప్రేక్షకుల్ని ఎంగేజ్ చేస్తుంది. తన కుటుంబం నాశనమైపోయినా పర్వాలేదు.. దేశం బాగుండాలని కోరుకునే కుర్రాడిగా హీరో పాత్రను తీర్చిదిద్దిన విధానం ‘జవాన్’కు ప్రధాన ఆకర్షణ. ఆ పాత్రకు సాయిధరమ్ తేజ్ చాలా బాగా సూటయ్యాడు కూడా. విలన్ పాత్ర కూడా మొదట్లో బాగానే అనిపిస్తుంది. ఈ రెండు పాత్రల పరంగా వైరుధ్యం.. ఇద్దరి మధ్య సంఘర్షణకు దారి తీసే పాయింట్ కూడా ఆసక్తి రేకెత్తిస్తాయి. హీరో పాత్రను ఓ బిల్డప్ ఇచ్చి మొదట్లో పైకి లేపి.. తర్వాత కింద పడేయకుండా.. హడావుడి లేకుండా సింపుల్ గా మొదలుపెట్టి.. దాన్ని బిల్డ్ చేసిన తీరు ఆకట్టుకుంటుంది. హీరో పాత్రలోని సిన్సియారిటీని చక్కగా ఎస్టాబ్లిష్ చేశాడు దర్శకుడు. కాబట్టే ద్వితీయార్ధంలో దేశం గురించి.. దేశభక్తి గురించి డైలాగులు చెబుతుంటే ఎబ్బెట్టుగా అనిపించదు. అవి హృదయాన్ని హత్తుకునేలా.. ఆలోపించజేసేలా ఉంటాయి.

హీరో-విలన్.. పాత్రల పరిచయం తర్వాత ఇద్దరూ ఎవరికి వారుగా రంగంలోకి దిగి తమ లక్ష్యం కోసం సాగే క్రమంలో వచ్చే సన్నివేశాల్ని ఆసక్తికరంగానే నడిపాడు దర్శకుడు. విలన్ మిషన్ని హీరో దెబ్బ తీసే సీన్ మాస్ ప్రేక్షకులకు గూస్ బంప్స్ ఇస్తుంది. కొంచెం సినిమాటిగ్గా అనిపించినప్పటికీ ఇంటర్వెల్ బ్యాంగ్ బాగుంది. ప్రథమార్ధం ద్వితీయార్ధం మీద అంచనాలు పెట్టుకునేలా చేస్తుంది. కానీ రెండో అర్ధంలో హీరో-విలన్ మధ్య మైండ్ గేమ్ అనుకున్నంత ఆసక్తికరంగా లేదు. ఒక దశ దాటాక విలన్ పాత్రను తేల్చేశారు. విలన్ హీరో పక్కనే ఉండటం అన్నది కొత్త పాయింటే అయినా.. ఇద్దరి మధ్య ఎత్తులు పైఎత్తుల్లో అంత కొత్తదనం.. ఉత్కంఠ లేకపోయింది. ఇక్కడ సినిమా సాగతీతగా అనిపిస్తుంది. అందులోనూ ప్రి క్లైమాక్స్ దగ్గర్నుంచి హడావుడిగా ఏదో అలా లాగించేసిన ఫీలింగ్ కలుగుతుంది.

విలన్ గుట్టును హీరో పట్టేసే సీన్ అంతగా పేలలేదు. క్లైమాక్స్ కూడా అలాగే తయారైంది. ఇలాంటి థ్రిల్లర్ సినిమాల్ని ఇంత సింపుల్ గా తేల్చేయడం ప్రేక్షకులకు రుచించదు. ఇలాంటి సన్నివేశాల్లో దర్శకుడి నుంచి మరింత బ్రిలియన్స్ ఆశిస్తారు ప్రేక్షకులు. రెగ్యులర్ కమర్షియల్ సినిమాల్లో మాదిరి ఈ సన్నివేశాల్ని డీల్ చేశాడు రవి. ఇక డీఆర్డీవో నేపథ్యంలో వచ్చే సన్నివేశాలు కూడా మామూలుగా అనిపిస్తాయి. ఇంకాస్త డీటైల్ గా.. కన్విన్సింగ్ గా ఈ సన్నివేశాలు తీర్చిదిద్దాల్సింది. దేశ అమ్ముల పొదిలో ఒక పెద్ద అస్త్రాన్ని చేరుస్తున్నపుడు దాన్ని మామూలుగా ఒక కంటైనర్ వెహికల్లో పంపించడం.. దాని మీద విలన్ అటాక్ చేయడం అన్నది అసహజంగా అనిపిస్తుంది. ఈ ప్రతికూలతల్ని పక్కన పెడితే.. చాలా వరకు బోర్ కొట్టించకుండా సాగిపోవడం ‘జవాన్’కు ఉన్న ప్లస్ పాయింట్. తేజు-రవిలకు మరీ గొప్ప ఫలితాన్నివ్వకపోయినా.. వాళ్లిద్దరి గత సినిమాలతో పోలిస్తే ఇది చాలా మెరుగ్గానే అనిపిస్తుంది.

నటీనటులు: సాయిధరమ్ తేజ్ కొత్తగా కనిపిస్తాడు ‘జవాన్’లో. అతడి లుక్.. నటన అన్నీ మెరుగయ్యాయి. ఇప్పటిదాకా చేసిన సినిమాల్లో తేజుకు ఇది బెస్ట్ పెర్ఫామెన్స్ అని చెప్పొచ్చు. ఎక్కడా అతి లేకుండా పద్ధతిగా పాత్రకు తగ్గట్లు సిన్సియర్ గా నటించాడతను. తేజ్ నటనలో పరిణతి కనిపిస్తుంది. సినిమాలో పాటలు ఏమాత్రం సింక్ అయ్యాయి అన్నది పక్కన పెడితే అభిమానులకు నచ్చేలా డ్యాన్సులు కూడా అదరగొట్టాడు తేజ్. విలన్ పాత్ర అనుకున్నంత బాగా లేకపోయినప్పటికీ ప్రసన్న నటనకు వంకలు పెట్టడానికేమీ లేదు. అతను కూడా సిన్సియర్ పెర్ఫామెన్స్ ఇచ్చాడు. అతడి స్క్రీన్ ప్రెజెన్స్ బాగుంది. హీరోయిన్ మెహ్రీన్ ఓకే. అందంగా.. బబ్లీగా కనిపించింది. పాటల్లో.. ముఖ్యంగా ‘బుగ్గంచున’లో చాలా గ్లామరస్ గా కనిపించి కుర్రాళ్లను అలరించింది. కోట శ్రీనివాసరావు.. సుబ్బరాజు.. జయప్రకాష్.. నాగబాబు.. వీళ్లంతా పాత్రలకు తగ్గట్లు నటించారు.

సాంకేతికవర్గం: తమన్ సంగీతం ‘జవాన్’కు పెద్ద ప్లస్. పాటలు బావున్నాయి. నేపథ్య సంగీతం సినిమాకు ప్రధాన ఆకర్షణ. తమన్ కెరీర్లో బెస్ట్ బ్యాగ్రౌండ్ స్కోర్ ఇచ్చిన సినిమాల్లో ‘జవాన్’ ఒకటిగా నిలుస్తుంది. చాలా సన్నివేశాల్ని నేపథ్య సంగీతంతో నిలబెట్టాడు తమన్. కె.వి.గుహన్ ఛాయాగ్రహణం కూడా ఆకట్టుకుంటుంది. నిర్మాణ విలువలు బాగున్నాయి. బి.వి.ఎస్.రవి రచయితగా.. దర్శకుడిగా యావరేజ్ మార్కులు వేయించుకుంటాడు. అతను ఎంచుకున్న కథ ఓకే. హీరో పాత్రను బాగా తీర్చిదిద్దాడు. కొన్ని చోట్ల మంచి డైలాగులు రాశాడు. ముఖ్యంగా దేశభక్తితో ముడిపడ్డ మాటలు బాగున్నాయి. స్క్రీన్ ప్లే మరింత బిగువుగా రాసుకోవాల్సింది. ద్వితీయార్ధం.. ముఖ్యంగా క్లైమాక్స్ విషయంలో మరింత కసరత్తు చేసి ఉంటే ‘జవాన్’ రవికి మెమొరబుల్ ఫిలిం అయ్యుండేదే.

చివరగా: జవాన్.. జస్ట్ ఓకే థ్రిల్లర్!

రేటింగ్- 2.75/5

ఒక అందమైన కుటుంబాన్ని నిర్మించిన చిత్రం అ ఆ…

 

అనాసుయ (సమంతా) నరేష్ మరియు నదియ యొక్క ఏకైక కుమార్తె. ఆమె జీవితంలో ఆమె తల్లిదండ్రులు గొప్పగా వివాహం చేయాలని అనుకుంటారు.ఈ వివాహం అనసూయ కి ఇస్టముండదు.ఆమె తండ్రి సలహా ప్రకారం ఆమె అత్తమామల ఇంటికి కొంత సమయం గడిపేందుకు వెళుతుంది.
ఆమె ఆనంద్ (నితిన్) ను కలుసుకుంటూ, అతనితో ప్రేమలో పడుతది. ఆనంద్ తన నాగల్ వల్లీ (అనుపమ పరమేశ్వరన్) ను పెళ్లి చేసుకునేటప్పుడు అతని వ్యక్తిగత సమస్యల కారణంగా కథలో ట్విస్ట్ పుడుతుంది.
అనాసుయ కోపంతో ఉన్న తల్లితో మరియు ఆనంద్ ప్రేమను ఎలా గెలుచుకునుంటుందో, నాగవళ్లితో ఎలా వ్యవహరిస్తుందో కథ మిగిలినది.

ద్వారకా ఒక ఆసక్తికరమైన కధాంశం మరియు ఒక కదిలిపోయే అరుదైన స్క్రీన్ ప్లే ఉంది.

ఎర్ర సీను(విజయ్ దేవరకొండ) ఒక దొంగ,అతను దొంగతనం చేస్తూ అనుసంధానిత కారణంగా దేవుడు అనుకుంటారు, అందువలన అతనిని కృష్నానంద స్వామిగా మారుస్తారు.దక్షిన వలె ప్రవహిస్తున్న డబ్బు కోసం దురాశతో అలానే ఉంటాడు.అతను అక్కడ ఉండడం ఇష్టం లేక అక్కడి నుండి వెళ్లిపోవాలని అనుకుంటాడు.ఇంతలో వసుధ (పూజా జావెరీ)ను తన దొంగతనం రోజులలో అతను చూస్తాడు,అప్పుడు ఆ అమ్మాయి తనను పూజించడానినికి తిరిగి వస్తది మరియు అతను ఆమె కోసం తిరిగి ఉండాలని నిర్ణయించుకుంటాడు.తన అనుచరుడు వారి మార్గాల నుండి ఒక కొత్త ఆలోచనలకు మారుస్తాడు, మంచి వాడు అవుతాడు మరియు అతని ప్రేమను గెలుస్తాడు.
రామ్‌చరణ్ పవర్‌ఫుల్ పోలీస్ ఆఫీసర్‌గా నటించిన సినిమా ‘ధృవ’.

రామ్ చరణ్ కొత్తగా నియమించబడిన ఐపిఎస్ అధికారి ధ్రువ పాత్రలో నటించారు. అతను శిక్షణాకాలంలో సమయాన్ని గడపడానికి మరియు పోలీసులను నేరస్థులను పట్టుకోవటానికి సహాయం చేయటానికి నిశ్శబ్దంగా వెళ్ళిపోతున్న శిక్షణా కాలములో అతను ఇష్టపడే పోలీసు అధికారులతో స్నేహం చేస్తాడు.ధ్రువ యజమాని కుమార్తె ఇషిక(రకుల్) అతన్ని ప్రేమిస్తది, కానీ అతను ప్రేమలో ఆసక్తి చూపించడు. ఆమె అతనిని ఎదుర్కొంటుంది మరియు కాలానుగుణంగా తన అదృశ్యం గురించి అడిగినప్పుడు, ధ్రువ అతను వార్తాపత్రిక నివేదికల ఆధారంగా వివిధ నేరస్థులను వేటాడేందుకు ప్రయత్నించే రహస్యం నుండి బయటపడ్డాడు.
విజయదేవరకొండ షాలిని పాండే కలిసి నటించిన చిత్రం ఇది (అర్జున్ రెడ్డి)

అర్జున్ రెడ్డి (విజయ్ దేవరకొండ) ఒక వైద్య నిపుణుడు, అతను విద్యావేత్తలలో చాలా తెలివైనవాడు – అతని ఏకైక సమస్య అతని అనియంత్రిత నిగ్రహము. అతను విద్యార్థి పోరాటంలో పాల్గొంటాడు మరియు కళాశాల యొక్క ప్రధాని అతనిని క్షమాపణ పత్రం వ్రాసి వదిలివెయ్యమని అడుగుతాడు. అర్జున్ ఈ కళాశాలను విడిచిపెట్టలాని అనుకుంటాడు, కానీ ప్రీతి (శాలిని పాండే) లోని కళాశాలలో తన అభిమానాన్ని చూసుకుంటాడు. ఇది అతనికి మొదటి చూపులో ప్రేమ మరియు అతను ఆమె కోసం ఉండడానికి నిర్ణయించుకుంటుంది. చివరికి, ఆమె తన భావాలను పరస్పరం పంచుకుంటుంది మరియు వారు మానసికంగా మరియు శారీరకంగా పాల్గొంటారు.

అర్జున్ ప్రీతి తల్లిదండ్రులను పెళ్లి చేసుకుంట అని అడిగినప్పుడు వారు ఒప్పుకోకపొవటంతో అర్జున్ గొడవ చేస్తాడు. ఇంతలో, అర్జున్ యొక్క తల్లిదండ్రులు అతని అన్న (కామరాజు) వివాహంతో బిజీగా ఉన్నారు. ప్రీతి తల్లిదండ్రులను ఒప్పించడానికి అర్జున్ చేసిన ప్రయత్నాలు విఫలమవుతాయి మరియు ఆమె వేరొకరితో పెళ్లి చేసుకుంటుంది.దీని కారణంగా అర్జున్ మందుకు బానిస అయిపొతాడు.

పవన్ కళ్యాన్ “కాటమరాయుడు”ల మన ముందుకు వచ్చాడు.

రాయుడు(పవన్ కళ్యాణ్) మరియు అతని నలుగురు సోదరులు వారి గ్రామంలో సంతోషకరమైన జీవితాన్ని గడుపుతుంటారు.ఒక అమ్మాయి తన కుటుంబంలోకి ప్రవేశిస్తే తనకు మరియు తన సోదరులకు మధ్య సమస్యలు తలెత్తుతాయని అతను భావిస్తున్నందున కఠినమైన మరియు తీవ్రమైన స్తితిలో రాయుడు పెళ్లి చేసుకోడు. తన నలుగురు సోదరులు ప్రేమలో ఉంటారు మరియు త్వరలో పెళ్లి చేసుకోవాలని కోరుకుంటారు.వారు వివాహం చేసుకోవాలంటే, వారిలో పెద్దవారైనందున రాయుడు మొదటిగా పెళ్లి చేసుకోవాలని వారు తెలుసుకుంటారు.వారందరూ కలిసి,ఒక ప్రణాళిక తయారు చేసి అవంతి(శృతి హసన్)ని రోజు ఏదో ఒకవిధంగా వారు కలుసుకుంటారు.
                            కాటమరాయుడు, సమస్యలను పరిష్కరించడానికి హింసాకాండను ఉపయోగించుకుంటున్న వ్యక్తి,అవంతికను వివాహం చేసుకోవాలని , అతను తన మార్గాన్ని మార్చుకోవాలని కోరుకుంటాడు. అతను తన క్రూరమైన లక్షణాలను నియంత్రించడానికి ప్రయత్నించినప్పుడు, అతని భార్య యొక్క బంధువులు ప్రమాదాలను ఎదుర్కొంటాడు.
ఒక యువకుడు ఆనందంగా-అదృష్టంతో ఉన్న కథ-నేను లోకల్

బాబు గాడు (నాని) తన పరీక్షలకు ఉత్తీర్ణమయ్యే ఇంజనీరింగ్ విద్యార్థి. తన పరీక్షలు పూర్తయ్యాక కీర్తి(కీర్తి సురేష్)ని మరొకరు తప్పుదారి పట్టించి, ఆమెను ఇబ్బందిపెడ్తాడు. బాబు మొదటి చూపులో ప్రేమలో  పడ్తాడు. తన తండ్రి అతను తృణీకరించిన అదే ఇన్విజిలేటర్.
హీరోయిన్ తండ్రిని అడ్డుకోవడమే కాక, హీరో తన విలువను నిరూపించుకోవలసి ఉంటుంది. అయినప్పటికీ, చిత్రం యొక్క కథగా బోరింగ్ గా, స్క్రీన్ ప్లే మరియు కామెడీ మీరు చాలా తరచుగా పగళబడి నవ్వుతారు.
కీర్తి తండ్రి(సచిన్ ఖేద్కర్).ఆమె తండ్రి తన జీవితంలో నిర్ణయం తీసుకునే వ్యక్తి.అతన్ని కాదని బాబు ని చేస్కొదు.
ఈ సినిమాలో నవీన్ చంద్ర కూడా చాలా అందంగా ఉంటాడు.అతను కీర్తిని ప్రేమించే వ్యక్తి, ఆమెను పెళ్లి చేసుకోవాలని కోరుకుంటాడు మరియు తన తండ్రికి ఇస్టమైన వ్యక్తి గా ఉన్నాడు.