నోటిసులు వచ్చిన మాట వాస్తవం కాని నేను ఏ తప్పు చెయలేదు- హీరో నవదీప్

నోటిసులు వచ్చిన మాట వాస్తవం కాని నేను ఏ తప్పు చెయలేదు- హీరో నవదీప్

టాలీవుడ్‌తోపాటు రెండు తెలుగు రాష్ట్రాలను వణికిస్తున్న డ్రగ్స్ రాకెట్ కేసులో ఎక్సైజ్ ఎన్‌ఫోర్స్‌మెంట్ ఇప్పటికే టాలీవుడ్ సెలబ్రిటీలకు నోటీసులు అందించింది. అయితే తమకు ఎలాంటి సంబంధంలేకున్నా తమ పేర్లు బయటపెట్టడాన్ని కొంతమంది తప్పుబడుతుంటే మరికొంతమంది నోటీసులు అందిన మాటను ఒప్పుకుంటున్నారు.

సంచలనం సృష్టించిన డ్రగ్స్ రాకెట్ కేసులో తనకు నోటీసులు అందాయని, పోలీసుల విచారణలో పూర్తిగా సహకరిస్తానని చెబుతున్నాడు టాలీవుడ్ హీరో నవదీప్. నోటీసులు వచ్చిన మాట నిజమే కానీ తాను ఏ తప్పు చేయలేదని, అకారణంగా ఊహాగానాలతో తమ ఇమేజ్‌ను డ్యామేజ్ చేస్తున్నారని బాధపడుతున్నాడు. అంతేగాక కెల్విన్‌తో సంబంధాలు అంటున్నారని, కానీ ఆ కెల్విన్ ఎవరో తనకు నిజంగానే తెలియదని ఈ డ్రగ్స్ కేసులో మొత్తం సెలబ్రిటీలే చేశారంటూ ప్రచారం చేయడంతో తమకు చాలా ఇబ్బందికరంగా మారిందని నవదీప్ అంటున్నాడు.

అంతేగాక చిన్నప్పుడు చేసిన తప్పులకు ఇప్పటికే నా జీవితం సాఫ్ట్ టార్గెట్‌గా మారిందని ఆవేదన వ్యక్తం చేశారు. గతంలో డ్రంక్ అండ్ డ్రైవ్‌లాంటి విషయాల్లో తప్పులు చేసి సరిదిద్దుకున్నానని, కానీ డ్రగ్స్‌లాంటి పెద్ద కేసుల్లో ఇప్పటివరకు తనపై కనీసం ఆరోపణలు కూడా రాలేదన్న విషయం అందరికీ తెలుసన్నారు నవదీప్. అయితే ఇటీవల ఓ రాంగ్ ఈవెంట్ మేనేజ్‌మెంట్‌తో కలిసి పని చేయడంవల్లే తనను పిలిచి ఉండొచ్చునని అభిప్రాయపడ్డారు. అంతేగాక జనరల్ కౌన్సెలింగ్ కోసం నోటీసులు అందజేశారని విచారణకు సహకరించి పోలీసుల ప్రశ్నలకు సమాధానాలు చెప్పి ఇంటికి వస్తానన్నారు నవదీప్. అప్పటివరకు అనవసర ప్రచారం చేసి తమను ఇబ్బంది పెట్టొదని అంటూ twitter ద్వారా అందరినీ కోరాడు నవదీప్.

Related Post

జనవరి 1న రాబోతున్న రానా

జనవరి 1న రాబోతున్న రానా

టాలీవుడ్ హీరో రానా.. ఇప్పుడు దేశవ్యాప్తంగా క్రేజ్ ఉన్న హీరో. బాహుబలి విలన్ గా ఎంతగానో కీర్తి ప్రతిష్టలు సంపాదించిన…

Leave a Reply

Your email address will not be published. Required fields are marked *