జనవరి 1న రాబోతున్న రానా

జనవరి 1న రాబోతున్న రానా

టాలీవుడ్ హీరో రానా.. ఇప్పుడు దేశవ్యాప్తంగా క్రేజ్ ఉన్న హీరో. బాహుబలి విలన్ గా ఎంతగానో కీర్తి ప్రతిష్టలు సంపాదించిన రానా.. వరుస ప్రాజెక్టులతో దూసుకుపోతున్నాడు. ఒకే చిత్రాన్ని పలు భాషల్లో తెరకెక్కిస్తూ ప్రాజెక్టు దశలోనే సేఫ్ స్టేజ్ కి తెచ్చేస్తున్నాడు. ప్రస్తుతం 1945నాటి కథతో ఓ మూవీ చేస్తున్నాడు రానా. తమిళ్ డైరెక్టర్ ప్రభు సాల్మన్ రూపొందిస్తున్న ఈ చిత్రంపై రీసెంట్ గానే అధికారిక ప్రకటన వచ్చింది.

వచ్చే ఏడాది జనవరి నుంచి ఈ మూవీ షూటింగ్ ప్రారంభం కానుండగా.. ఇప్పుడీ చిత్రానికి సంబంధించిన ఫస్ట్ లుక్ డేట్ చెప్పేశారు. షూటింగ్ జనవరిలో ప్రారంభం కానున్నా.. జనవరి 1నే అంటే న్యూఇయర్ సందర్భంగా ఫస్ట్ లుక్ ఇచ్చేయనున్నారట. తెలుగు.. తమిళ్.. హిందీ భాషల్లో రూపొందుతున్న ఈ చిత్రం రానా కెరీర్ లోనే ప్రత్యేకంగా నిలవడనుండగా.. రాజేష్ ఖన్నాకు ఈ చిత్రం ట్రిబ్యూట్ అంటున్నారు మేకర్స్. ఇందుకు కారణం.. 1971లో విడుదల అయిన హాథీ మేరా సాథీ చిత్రంలో రాజేష్ ఖన్నా పోషించిన పాత్రలో రానా కనిపించనున్నాడట.

ఇండియాలోని పలు ప్రాంతాలతో పాటు థాయ్ ల్యాండ్ లో కూడా షూటింగ్ జరుపుకుంటున్న ఈ చిత్రాన్ని.. వచ్చే ఏడాది దీపావళి నాటికి విడుదల చేసే టార్గెట్ డిసైడ్ చేసుకున్నారు. అలాగే ఘాజీ మాదిరిగానే ఈ పీరియాడిక్ మూవీకి కూడా చాలానే విజువల్ ఎఫెక్ట్స్ అవసరం అవుతాయని తెలుస్తోంది.

Related Post

Leave a Reply

Your email address will not be published. Required fields are marked *